Abasiraamu b’e Nakasero baagala ebitongole ebikuuma ddembe okuvaayo okutegeza eggwanga ensonga, eyakwasizza Gen Kale Kayihura, eyali adduumira Poliisi mu ggwanga lino.
Ayubu Nyende Ssaabawandiisi w’omuzikiti gwe Nakasero, agamba nti bakooye, okuzibiikiriza emisango, egyakwasizza musajja mukulu Gen Kayihura kuba bannayuganda bateekeddwa okutegezebwa emisango gyona.
Abasiraamu b’e Nakasero bwe babadde mu kusaala Eid al-Fitr ku ssomero lya Nakivubo blue Primary school mu Kampala ku Lwokutaano (15, June, 2018), era bagambye nti ku mulembe gwa Gen Kayihura, abantu bangi nnyo abakwattiddwa ne balagibwa bannamawulire ku misango egyenjawulo nga yefudde nti akola nnyo emirimu gye kyoka oluvanyuma ne bayimbulwa nga tebaguddwako musango gwona, ekintu ekimenya amateeka.
Basabye abakulu mu bitongole ebikuuma ddembe okulaga eggwanga Gen Kayihura n’okutegeza eggwanga emisango egimuvunanibwa.
Gen Kayihura yakwattiddwa amaggye sabiti ewedde okuva mu maka ge, Kasagama, Lyantonde.
