Kyaddaki omulamuzi wa kkooti esokerwako Entebbe asindise Godfrey Wamala amanyikiddwa nga Troy mu kkooti enkulu ku misango gy’obutemu, okutandiika okwewozaako.
Omulamuzi Susan Okeny okusindiika Troy mu kkooti enkulu, kidiridde oludda oluwaabi nga lukulembeddwamu Julius Muhiirwe okutegeza omulamuzi nti bakomekereza okunoonyereza era balina obujjulizi bwona.
Omulamuzi azzemu okusindiika ku Limanda Troy mu kkomera lye Kigo, okutuusa nga kkooti enkulu, erangiridde olunnaku okutandiika okuwuliriza omusango gwo.
Kinnajjukirwa nti omuyimbi Moses Ssekibogo (Mowzey Radio) yafiira ku Case Clinic mu Kampala, nga 1, Febwali, 2018, oluvanyuma lw’okukubwa mu bbaala ya De bar Entebbe ne bamwasa omutwe.
Bettinga owangule nehttps://www.kagwirawo.co.ug//
Amangu ddala, Poliisi yakwata Troy, omutuuze w’e Kyengera mu gombolola y’e Nsangi mu disitulikiti y’e Wakiso, nasindikibwa ku limanda mu kkomera e Kigo ku misango gy’obutemu, okutuusa olunnaku olwaleero, lw’asindikiddwa mu kkooti enkulu.
Famire y’omugeenzi Radio nga bakulembeddwamu maama Kasubo Jane bagamba nti okusindika Troy mu kkooti enkulu kabonero akagala nti basemberedde okufuna amazina n’obwenkanya.
Mungeri y’emu maama agamba nti waliwo abantu Poliisi berina okukwata kuba benyigira mu kutta mutabani we okuli omukyala Pamela eyakubira omugeenzi Radio essimu okugenda ku bbaala, abantu bonna abali ne mutabani we okuli Polodyusa Washington, nanyini bbaala ya De bar Entebbe n’abalala.
