Abatuuze baswakidde bakubyekubye Ssemaka emiggo, ensambagere, amayinja nafiirawo ng’avunanibwa okutta mukyala we.
Richard Ewila atemera mu gy’obukulu 45 yattiddwa abatuuze b’oku kyalo Ominyi mu ggombolola y’e Alwa mu disitulikiti y’e Kaberamaido.
Ssemaka okuttibwa, kidiridde mukyala we Christine Ajiko atemera mu gy’obukulu 35, okubula sabiti ewedde, kyoka omulambo gwe, gusangiddwa mu kabuyonjo y’awaka.
Abatuuze, batabuse nga balumiriza ssemaka Ewila okutta mukyala we era bakoze efujjo omuli n’okwokya amayumba ge, 2.
Bettinga owangule nehttps://www.kagwirawo.co.ug//
Poliisi, tesobodde kutakiriza ssemaka Ewila, olw’okutuuka ekikerezi.
Wabula omwogezi wa Poliisi mu kitundu ekyo, Michael Odongo, avumiridde eky’okutwalira amateeka mu ngalo era abakoze effujjo bageenda kukwatibwa.
