Ekitongole kya Poliisi ekirwanyisa abazigu b’emmundu ekya Flying Squad kizudde emmotoka 8 ensibe mu bitundu bya Kampala ebyenjawulo.
Omwogezi wa poliisi mu Kampala n’emiriraano, Luke Owoyesigyire agambye nti emmotoka zasangiddwa mu ggalagi n’amayumba g’abantu abenjawulo mu bitundu bya Nansana, Nateete, Lungujja, Ndeeba ne Namanve mu kikwekweeto kya Poliisi ekikulungudde kumpi sabiti ebiri (2).
Ezimu ku mmotoka zebazudde kuliko Toyota Hiace UAP 693Z okuva e Nansana, Wakiso, Toyota Premio UAF 782X okuva wakati mu Kampala, emmotoka namba UAG 193L yasangiddwako number plate endala enfu UAU 340T e Lungujja mu ggombolola y’e Rubaga.
Emmotoka endala kuliko Toyota Premio UBA 738K okuva e Nansana-Gganda, Toyota Mark II UAM 598E Nateete-Wakaliga, A Toyota Ipsum UAW 957B okuva mu Ndeeba ate Toyota Wish UBD 974F yasangiddwa mu Kampala wakati.
Owoyesigyire agamba nti ebikwekweeto bikyagenda mu maaso mu Kampala n’emiriraano okusobola okulwanyisa abantu bonna abegumbulidde okubba emmotoka.
