Omuyizi ku Uganda Christian University (UCU) e Mukono, Lilian Rukundo myaka 23 ng’asoma byamawulire aweereddwa ekitanda mu kkomera e Luzira ng’ali mu mbeera mbi.
Lukundo ali ku Limanda ku misango egyenjawulo omuli gw’okukola n’okufulumya obutambi bw’obuseegu.
Olunnaku olw’eggulo ku Mmande, babadde balina okumukomyawo mu maaso g’omulamuzi Mary Babirye owa Buganda Raod, emisango egyamugulwako okutandiika okuwulirwa kyoka abasirikale okuva e Luzira bategezeza omulamuzi nti Rukundo yagwiriddwa ekirwadde ky’Asima era ali mu mbeera mbi.
Omulamuzi yalagidde abakulu mu kkomera e Luzira, Rukundo okumuleeta mu kkooti olwaleero singa abasawo bamwekeneenya ng’ateredde.
Rukundo yali akiriza emisango egimuvunanibwa kyoka sabiti ewedde ku Lwokutaano nga 13, July, 2018, emisango gyona yagyegaana.
Oludda oluwaabi nga lukulembeddwamu Emily Ninsiima, bagamba nti balina obujjulizi bwona, Lukundo okumusingisa emisango egyamuguddwako.
