Poliisi etandiise okunoonyereza ekyaviriddeko kabuyonjo okutta omusajja.

Amza Kiiza atemera mu myaka 40 abadde mutuuze ku kyalo Kibimba mu disitulikiti y’e Kabarole, kabuyonjo, ebadde mu ffuuti 60, yamwezikidde olunnaku olw’eggulo ng’abadde akyagenda mu maaso n’okusima.

Kabuyonjo ebadde ya John Mwesige akulira essomero lya Kibiito Secondary School ku kyalo Mugoma Zone B, mu ggoombolola y’e Karambi.

Omu ku batuuze Ronald Busingye agambye nti abatuuze nga bayambibwako Poliisi bekozeemu omulimu, okugyayo omulambo, kyoka bbo ng’abatuuze bafiriddwa nnyo kuba Amza yabadde asinga okusima kabuyonjo, obulungi ku kitundu kyabwe.

Mungeri y’emu Busingye agambye nti kabuyonjo ebadde mpavu nnyo era y’emu ku nsonga lwaki yaguddemu.