Poliisi y’e Rakai ekutte abantu 3 ku ttemu eryakoleddwa ku kyalo Nsimbo mu ggoombolola ye ddwaaniro, ssemaka Basiimwe Fred myaka 65 bwe yasangiddwa ng’attiddwa mu kiro ky’olunnaku olwa Ssande.
Omulambo gwa Basiimwe, gwasangiddwa mu nnyumba ye mu kitaba ky’omusaayi nga n’ebyenda mu lubuto bivuddeyo biri ku ttaka.
Amyuka adduumira Poliisi mu Greater Masaka era omwogezi wa Poliisi mu kitundu ekyo, Lameck Kigozi agambye nti abakwattiddwa kuliko mukyala w’omugenzi Kyotungirwe Mebbo, batabani b’omugenzi Kyagera Gonzaga ne kakooza Dauda.
Lameck agamba nti wadde omulambo gwawereddwa ab’enganda okutekateeka okuziika okuva mu ddwaaliro e Rakai, Poliisi ekyanonyereza kuba kigambibwa nti omugole yekobaanye n’abaana okutta bba.
