Famire y’omubaka we Kyadondo East Robert Kyagulanyi Ssentamu amanyikiddwa nga Bobi Wine ewadde ekitongole ekikuuma ddembe ekya Poliisi essaawa 48 zokka nga balangiridde omuntu wabwe gye bamusibidde.
Bobi Wine yakwatibwa ku Mmande ekiro nga 13, August, 2018 ne banne abatamanyiddwa muwendo oluvanyuma lw’okulwanagana okwabadde mu kibuga Arua, omwafiridde omuntu omu eyali Dereeva we Yasin Kawuma, okwasa endabirwamu y’omukulembeze w’eggwanga lino Yoweri Kaguta Museveni.
Wabula enkya ya leero, Famire ya Bobi Wine ng’ekulembeddwamu mukyala we Barbie Itungo Kyagulanyi, baganda be okuli omuyimbi Eddy Yawe, Fred Nyanzi n’abalala balameddeko, bagala Poliisi ebalage omuntu wabwe.
Omukyala Barbie Itungo era asambaze ebigambibwa nti bba (Bobi Wine), bamukwatidde mu nkambi y’amaggye.
Mu kwogerako eri bannamawulire e Kamwokya, famire yonna egambye nti betaaga omuntu wabwe nga bulamu ddala.
