Eddie Yawe mukulu wa Robert Kyagulanyi Ssentamu (Bobi Wine) eyayimba ‘Tukiggale’ akulembeddemu famire okubanja omuganda wabwe.

Eddie Yawe agamba nti olunnaku olw’eggulo ku Lwokuna, Bobi Wine yasimbiddwa mu kkooti y’amaggye e Gulu ne bamugulako omusango gw’okusangibwa n’ebyokulanyisa kyoka aba famire bonna baganiddwa okulaba ku muntu wabwe.

Agamba betaaga Bobi oba mulamu oba mufu kuba muganda wabwe nga bateekeddwa okumanya obulamu bwe mu mbeera yonna.

Bobi Wine
Bobi Wine

Omuyimbi Eddie Yawe agamba nti mukyala wa Bobi, Barbie Itungo Kyagulanyi ali mu maziga ate abaana babanja kitaabwe, ekiraga nti batekeddwa okubanja muganda wabwe.

Olunnaku olw’eggulo mu kkooti, bannamateeka okuli ASuman Basalirwa ne Medard Sseggona Lubega bokka bebakiriziddwa okuyingira mu kkooti y’amaggye e Gulu mu kiseera nga Bobi Wine aleeteddwa era aba famire bonna baganiddwa n’abantu babuligyo.

Basalirwa agamba nti Bobi Wine tasobola kutunula, okwogera wadde okutambula era bakwatirira mukwatirire.