Ssaabasumba w’essaza ekkulu erya Kampala Dr. Cyprian Kizito Lwanga asiimye gavumenti ku ky’okukkiriza omubaka wa Kyadondo East Robert Kyagulanyi Ssentamu amanyikiddwa nga Bobi Wine okugenda ebweru okufuna obujjanjabi sabiti ewedde ku Lwomukaaga nga 1, September, 2018 wadde ku Lwokutaano nga 31, August, 2018 bamulemesa.
Mungeri y’emu era akowodde Gavumenti ekirize ne Francis Zaake Mutebi omubaka we Mityana naye okufuna obujanjabi okusinga okumusibira mu ddwaaliro lye Kiruddu ng’ali mu mbeera mbi.
Ate abantu abakwatibwa mu effujjo mu bitundu by’eggwanga ebyenjawulo, Ssaabasumba awanjagidde Gavumenti okubasonyiwa era bayimbulwe, baddemu okutambuza emirimu gyabwe.
Ssaabasumba Lwanga okubyogera ebyo, yabadde ku mukolo gw’okujjaguza olunnaku lw’ekigo kye Rubaga olunnaku olw’eggulo ku Ssande nga 2, September, 2018.
