Omuyimbi Ronald Mayinja avuddeyo ku nsonga z’omuyimbi Bebe Cool okubwa sabiti ewedde ku lunnaku Olwokutaano e Lugogo nga Swangz Avenue, bajjaguza okuweza emyaka 10 mu kisaawe ky’okuyimba.
Abawagizi abali bayimba, “People Power, Our Power” bakuba Bebe Cool amaccupa, amayinja n’obutebe era bamulemesa okuyimba, ekyawaliriza abakola ku byokwerinda okumuggya ku siteegi, okumutangira okumutusaako obulabe.
Wabula Mayinja agamba nti Bebe Cool atekeddwa okukomya okwogera ebigambo byekisiru ate ebiswaza mu bantu kuba biyinza okuvirako abantu bangi nnyo mu ggwanga lino okwekyawa.
Agamba nti omubaka we Kyadondo East Robert Kyagulanyi Ssentamu amanyikiddwa nga Bobi Wine yakwatibwa, nakubwa, nasindikibwa mu kkomera ly’amaggye kyoka Bebe Cool yavaayo nagamba nti yali yekoza, ekintu ekyanyiza abantu bangi.
Omuyimbi Mayinja alabudde abayimbi okweddako ku bigambo byabwe kuba biyinza okutabangula embeera.
