Eddie Yawe mukulu wa Bobi Wine eyayimba ‘Tukiggale’ akwattiddwa enkya ya leero mu bitundu by’Entebbe.
Olunnaku olw’eggulo, Poliisi yalagidde nti aba famire ya Bobi, bebagenda okumwaniriza ku kisaawe Entebbe ku ssaawa 4 ez’okumakya era yayimiriza abantu bonna abategese okutambuza ebigere okuyisa ebivvulu ku luguudo lw’Entebbe kuba kigenda kutataaganya ebyentambula n’emirimu gy’abantu.
Wabula enkya ya leero, Eddie Yawe y’omu kwabo abakedde okugenda ku kisaawe Entebbe kyoka akwattiddwa Poliisi, natwalibwa ku Poliisi y’e Ntebbe.
Eddie Yawe agambye nti tamanyi nsonga yonna lwaki akwattiddwa kuba Poliisi ekyalemeddwa okumunyonyola.
Mungeri y’emu Poliisi yebunguludde amaka g’omuloodi wa Kampala Ssalongo Erias Lukwago e Wakaliga mu Kampala okumutangira okufuluma kuba ayinza okwetaba kwabo abagenda okwaniriza Bobi Wine, okutabangula ekibuga.
