Ekitongole ky’amakkomera kikaasiza nga bwewaliwo omusibe eyakubiddwa amasasi oluvanyuma n’afa mu disitulikiti y’e Kabalore.
Kino kyaddiridde abasibe bano okwagala okudduka nga bava ku kkooti ku lunnaku Olwokusatu nga zikunukiriza ssaawa 1 ez’olw’eggulo. Eyatiddwa ye Philbert Ochola , sso nga abalala baakwatiddwa.
Abalala omuli Mwesigye Charles bamukubye esasi mu kugulu era akyali mu ddwaaliro, Alituha Christopher bamukutte bwe yabadde agezaako okuduuka era teyakubiddwa.
Amanyire Gerald ali ku misango gy’okutta omuntu n’okubba n’emmundu yasobodde okuduuka era Poliisi eyungudde basajja baayo okumuyigga akwatibwe atwalibwe mu kkooti avunaanibwe.
Omwogezi w’ekitongole ky’amakkomera Frank Baine agambye nti balina okukola emirimu gyabwe n’okwenganga abasibe bonna abalina effujjo.
