Omubaka we Kyadondo East, Robert Kyagulanyi Ssentamu amanyikiddwa nga Bobi Wine, abikudde ekyama nti ye ssaawa abantu bonna okwegata n’okusingira ddala abavubuka okulwanyisa okusomozebwa kwebayitamu.
Bobi agamba nti mu Africa abakulembeze bangi tebagala kuva mu Ntebbe ate balemeddwa okukyusa embeera z’abantu nga mu Uganda ebbula ly’emirimu lyeyongedde, kyebategenda guminkiriza kuba Gavumenti eremeddwa.
Okubyogera, Bobi Wine abadde asisinkanyeko abatuuze abawangalira mu bitundu bya Ghetto ebya Kibera mu ggwanga erya Kenya ku kisaawe ekya Kamukunji nga yegatiddwako banne, abamukyaziza mu ggwanga erya Kenya.
Mu kwogera kwe, Bobi anokoddeyo Uganda nti Omukulembeze w’eggwanga Yoweri Kaguta Museveni abadde mu buyinza emyaka 32 kyoka tayagala muntu yenna amuvuganya nga buli muntu yenna avaayo, ayagala kumutta.
