Kanyama wa Bobi Wine, Eddward Sebuufu amanyikiddwa ennyo nga Eddy Mutwe ne Musa Ssenyange olunnaku olw’eggulo ku Lwokubiri nga 16, October, 2018, bakiriziddwa okweyimirirwa.
Omulamuzi wa kkooti enkulu e Gulu Stephen Mubiri bonna yabakiriza okweyimirirwa ku bukadde butaano buli omu nga sibwabuliwo.
Kanyama Mutwe ne Ssenyange beebamu ku bavunaanibwa ku mivuyo egyali mu kulonda kwe Arua, mu August, 2018 ekyavirako emu ku mmotoka y’omukulembeze w’eggwanga Yoweri Kaguta Museveni okubwa endabirwamu neyiika.
Eddy Mutwe agambye nti wadde basibiddwa, kigendereddwamu kubatisatiisa n’okubaggya ku mulamwa kyebatagenda kukkiriza era ekisinde kya People Power kirina okugenda mu maaso.
