Kyaddaki Yunivaasite y’e Kambogo erangiridde ennaku z’ okuttikira abayizi bonna abakomekkereza emisomo gyabwe ku mattikira ag’omulundi ogwe 15.

Okusinzira kw’akulira ebyenjigiriza ku Yunivaasite eyo,  Ann Bagumisa abayizi abasukka mu 7,000 bebagenda okuttikirwa okufuna ebbaluwa ezenjawulo omuli degree, diploma ne certificate.

Mungeri y’emu agambye nti emikolo gy’okuttikirwa, gyakutandika nga 12, Desemba okutuusa 14, Desemba, 2018.

Eri abayizi bonna abakyalina ebibanjibwa ku Yunivaasite, balabuddwa okubitukiriza obutasukka nga 30,November, 2018.