Omugagga Brian Kirumira amanyikiddwa nga Bryan White alabudde abantu okujjumbira okwekolera okulwanyisa obwavu basobole okukyusa obulamu bwabwe.
Bryan White amanyikiddwa ennyo mu kuyamba abantu, agamba nti wadde bangi ku bannansi baagala enkyukakyuka mu ggwanga era kiwaliriza abamu ku bantu okutandikawo ekisinde ekya “People Power”, tewali mukulembeze yenna agenda kubawa ssente za bwereere okuva mu bwavu.
Bwabadde awayamu ne 100.2 Galaxy FM Zzina, Bryan White akutiidde abantu mu ggwanga lyona okwetandikirawo emirimu, Gavumenti ebateerewo embeera enungi mwebakolera kuba wadde aba People Power bakutte obuyinza kuba kisoboka, omuntu yekka anaasangibwa nga yetegese yagenda okugifunamu.
Bryan White eyatandikawo ekibiina ekya Bryan White Foundation wadde abamu ku bannayuganda bazalawa engeri gy’akuttemu ensonga ze mu ggwanga, awadde amagezi ga bwereere nti buli muntu yenna, ateekeddwa okwewala efujjo, agondere Gavumenti eri mu buyinza, gy’ayagala emusange nga mulamu.
Mungeri y’emu agambye nti eby’obugagga byonna by’alina abifunidde ku mulembe gwa Yoweri Kaguta Museveni era bannayuganda balina okufuna eby’okuyiga ebirungi okuva eri abakulembeze abali mu buyinza kuba essaawa yonna bagenda okusinga okubasindikiriza.
Mu Uganda ekisinde kya People Power kikulemberwa omubaka we Kyadondo East Robert Kyagulanyi Ssentamu amanyikiddwa nga Bobi Wine era y’omu kwabo abalemeddeko okusindikiriza Pulezidenti Museveni nga bagamba nti alemeddwa okulakulanya eggwanga omuli okulwanyisa ebbula ly’emirimu mu Uganda.
Eddoboozi ly’omugagga Bryan White
