Omuyimbi wa Kadongo Kamu Sir Mathias Walukagga alayidde nti tagenda kuddamu kulaba mupiira gwa Uganda Cranes gwona mu kisaawe e Namboole ku mulembe gwa Moses Magogo.
Walukagga agamba nti Magogo y’omu kwabo abakulembeddemu okulemesa ekivvulu ky’oluyimba Kyarenga olwa Bobi Wine mu kisaawe kye Namboole nga Bobi ne banne abategesi basasanyiza obukadde obusukka mu 200, okulanga ku Ttiivi, Laadiyo n’emikutu emirala.
Mungeri y’emu agambye nti Magogo atandiise okweyingiza mu byobufuzi, ekigenda okukosa Uganda Cranes.
Walukagga era akambuwadde, ayagala abakulira ekisaawe kye Namboole okuvaayo okulaga eggwanga ebifaananyi by’embaga eyabadde mu kisaawe kye Namboole nga 20, October, 2018 kuba yalemeseza ekivvulu kya Bobi.
Ku nsonga ya Uganda Cranes okukyaza Cape Verde nga 16, November, 2018, Walukagga agambye nti Magogo yabadde tayinza kuyimiriza kivvulu nga 9, November, 2018 nga yekwasa nti ekisaawe kiyinza okwononeka.
