Omuyimbi Namukwaya Hajara Diana amanyikiddwa nga Spice Diana ali mu kibuga Dubia mu kiseera kino era olunnaku olw’eggulo ku Lwokubiri nga 23, October, 2018, yabadde ajjaguza amazaalibwa okuweza emyaka 22.
Spice y’omu ku bawala abasobodde okukola ennyo okuyimirizaawo ekisaawe ky’okuyimba olw’ennyimba ze omuli Anti Kale, Ndi Mu Love, Bwebityo, Asipolo, Thirty Two, Onsanula n’endala.
Asobodde okweyambisa omukutu ogwa Instagram, okutekayo vidiyo ng’ali n’omuwala bazinira ku buliri.
Wabula abamu ku bawagizi be ku mukutu ogwo, bagambye nti Spice ayongedde okwonooneka kuba okuzina n’omuwala, kirabika alina emize egitali mirungi wadde bagaanye okugyogera.
