Kyaddaki Bebe Cool awadde amagezi abantu bonna abawagira Gavumenti ya NRM okusigala ku mulamwa kuba tewali muntu yenna ayinza kubalemesa.
Omuzzukulu Bebe Cool amanyikiddwa nnyo ng’omu ku bayimbi abawagira Yoweri Kaguta Museveni okusigala mu ntebbe.
Asobodde okweyambisa omukutu ogwa Instgram okulabula abantu okukomya okutya ab’oludda oluvuganya “Don’t be afraid Opposition” bw’abadde alaga abantu essaawa empya ate yabeeyi nnyo.
Wabula abamu ku bagoberezi be, abateberezebwa okuwagira ekisinde kya “People Power” bamutabukidde era bamulabudde okukola ebintu ebigwanidde mu myaka ggye.
Abamu bagambye nti Bebe Cool musiru, abalala bamwewunyizza okulaga essaawa ku myaka gye ate abamu bamugambye nti talina mulamwa wadde abamu bamuwagidde nga bagamba nti omukulembeze yenna asindikibwa Katonda.
