Omubaka we Kyadondo East Robert Kyagulanyi Ssentamu amanyikiddwa ng’omuyimbi Bobi Wine kyaddaki ayogedde lwaki yavaayo okwesimbawo n’okulwanirira okuleeta enkyukakyuka mu ggwanga lino.

Bobi Wine agamba nti embeera eri mu ggwanga omuli abantu okunyigirizibwa, kyamuwaliriza okuyingira ebyobufuzi.

Bobi Wine ne Barbie Itungo Kyagulanyi
Bobi Wine ne Barbie Itungo Kyagulanyi

Mungeri y’emu agambye nti nga tanaba kwesimbawo, yebuuza ku bantu abenjawulo omuli omukyala Barbie Itungo Kyagulanyi, omuyimbi Nubian Li n’abalala era bonna ne bawagira ensonga ye okwesimbawo okwegata ku bannabyabufuzi abenjawulo, okuleeta enkyukakyuka mu ggwanga lino era okunyigirizibwa omuli okutataaganya emirimu gye, yali akirindiridde.

Bobi Wine
Bobi Wine

Bobi Wine agamba nti Gavumenti ya Pulezidenti Yoweri Kaguta Museveni yali ekoze ebirungi bingi nnyo kyoka mu kiseera kino eyongedde okuva ku mulamwa era balina okukola ennyo okuleeta enkyukakyuka mu bukulembeze bw’eggwanga lino.