Eyakulira okutekateeka ekivvulu ky’oluyimba Kyarenga ku One Love Beach Busabala sabiti ewedde ku Lwomukaaga nga 10, November, 2018, Emmanuel Serugo avumiridde ekya bakanyama abagumbye mu maka g’omubaka Robert Kyagulanyi Ssentamu amanyikiddwa nga Bobi Wine, e Magere olunnaku olw’eggulo nga babanja ssente zabwe zebakolera.
Bakanyama, abegatira mu kibiina kyabwe ekya Umbrella for Uganda Bouncers Association bategezeza nti balekawo emirimu gyabwe, okuyamba okunyweza ebyokwerinda e Busabala kyokka tebanafuna ssente zabwe wadde nga bakola omulimu omulungi.
Basabye Bobi Wine okuvaayo okuyingira mu nsonga zabwe kyokka oluvanyuma, omu ku bategesi Yasin Kaweesi, yabatuuseeko era yawaddeyo ezimu ku ssente ezibanjibwa.
Wabula Serugo agamba nti Bakanyama baakoze nsobi okulumba Bobi Wine mu makaage kuba teyali mutegesi, yali muyimbi era ekyakoleddwa tekyabadde kirungi.
Mungeri y’emu agambye nti kirabika Bakanyama waliwo abakozesa okutatana ekitiibwa n’erinnya lya Bobi Wine.
Eddoboozi lya Serugo
