Omusirikale wa Poliisi akikoze, alangiridde nti “People Power Oye”, ekiraga nti y’omu kwabo abawagira omuyimbi Bobi Wine akulembera ekisinde kya People Power mu Uganda.

Omusirikale eyo, ka vidiyo kasaasaanidde omutimbagano gwa ‘Face book’ era okusinzira ku njogera ye, kirabika yabadde atamidde nnyo.

Abantu bamukunganiddeko kuba yabadde akola obukolomooni, kyoka olwayogedde ekigambo People Power, abantu bonna bawulidde essannyu.

Abamu bawuliddwako nga bagamba nti “Omulimu guweddewo” ate abalala bewunyiza omusirikale atekeddwa okukuuma eggwanga okunywa omwenge mu ngeri bwetyo, kuba kiswaza eggwanga n’ekitongole kya Poliisi.

Mu Uganda, abasirikale abeeyisa mu nneeyisa bwetyo balabiddwako mu bitundu by’eggwanga ebyenjawulo kyokka tekimanyiddwa oba ekitongole kya Poliisi kirina amateeka okutangira abasirikale abaswaza yunifoomu yabwe.