Mu Uganda, Winnie Nwagi y’omu ku bayimbi abakyala abalina omubiri era abamu bagamba nti mukyala munene.
Wadde abantu abalina endowooza yabwe, Nwagi ate y’omu ku bayimbi abakyala abasinga okukyamula abalabi ku siteegi kuba ategeera kye bayita okuzina.
Olunnaku olw’eggulo ku Ssande mu kivvulu kya Zzina Fest ku Jahazi Pier e Munyonyo, Nwagi yalinye ku siteegi n’abazinyi be era abantu bakiriza nti byanabiwala birina ‘Work’.
Ku siteegi, Nwagi yasobodde okuyimba ennyimba omuli Fire Dancer, Musawo, Detergent n’endala era byanabiwala byazinye abadigize ne bakuba endulu olw’essanyu.
Zzina Fest yawagiddwa Coca-Cola, Bella Rager, Kagwirawo Sports Betting era abayimbi bangi nnyo abakyamudde abantu omuli David Ssemanda Ssematimba amanyikiddwa Maddox, Sheebah Kalungi, Feffe Bussi, Roden Y Kabako, Lydia Jazmine, John Blaq n’abalala.
