Omubaka we Kyadondo East Robert Kyagulanyi Ssentamu (Bobi Wine) atabukidde ekitongole kya Poliisi, okozesebwa omukulembeze w’egwanga lino Yoweri Kaguta Museveni okuyimiriza ebivvulu bye nga bekwasa obusongasonga obutaliimu.
Bobi Wine agamba nti Pulezidenti Museveni okukuba akalango, okuyita abantu mu kivvulu kya Bebe Cool e Kiwatule olunnaku olw’eggulo, kabonero akalaga nti, ebivvulu biyingiddemu ebyobufuzi, Poliisi okozesebwa okumulemesa okukola.
Mungeri y’emu agambye nti enteseganya wakati we n’omukulembeze w’eggwanga lino Museveni ku bigenda mu maaso mu ggwanga omuli okumulemesa okuyimba, tasubira nti ziyinza okubawo wakati wabwe.
Bobi Wine agamba nti wadde Poliisi eremeddeko okumulemesa, tagenda kupowa kuba ekikolebwa kityoboola eddembe ly’obuntu.
