Kyaddaki omuyimbi Moses Sali amanyikiddwa nga Bebe Cool alabudde omubaka we kyadondo East, Robert Kyagulanyi Ssentamu amanyikiddwa nga Bobi Wine okukomya amampati n’okusala puleesa mu kisaawe ky’okuyimba.
Bebe Cool agamba nti Bobi si wanjawulo ku bayimbi abalala era atekeddwa okutukiriza, obukwakulizo bwonna obwatekeddwawo ekitongole ekya Poliisi okumukiriza okuyimba okusinga okwefuula nti ye munene.
Mungeri y’emu agambye nti ssinga teyeddako ku mpisa n’okutukiriza ebisabiddwa Poliisi, ebivvulu bye bakwongera okubiremesa.
Kinnajjukirwa olunnaku olw’eggulo ku Boxing Day (26, December, 2018), ekivvulu kya Bobi Wine kyayimiriziddwa ku One Love Beach Busabala era okusinzira ku mwogezi wa Poliisi mu ggwanga Emilian Kayima, Bobi Wine yalemeddwa okutukiriza obukwakulizo obwetagisa mu kunyweza ebyokwerinda.
