Bya Nalule Aminah

Emikolo gy’okuweebwa ennyota gikyagenda mu maaso ku kitebe ky’amaggye e Mbuya era gyetabiddwako abakulu bangi ddala.

Abamu ku bakulu mwe muli Minisita omubeezi ow’ebyenguudo Gen. Katumba Wamala, Minisita w’obutebenkevu Gen. Elly Tumwine, Minisita w’ensonga z’omunda mu ggwanga Jjeje Odongo, Minisita omubeezi ow’Ebyokwerinda avunaanyizibwa baazirwanako, Bright Rwamirama, Omuduumizi w’eggye lya UPDF mu ggwanga, Gen. David Muhoozi n’abalala.

Olunnaku olwaleero, abakuziddwa bali 190 okuva ku ‘Colonel’ okutuukira ddala ku ‘General’ nga kuliko ba generals 2, Lt Generals 10, Maj Generals 18, Brigadiers 38 ne Colonels 92.

Abafunye amayinja kuliko Gen Ivan Koreta ne Gen Joram Mugume.
Abalala Lt Gen Muhooozi Kainerugaba, Lt Gen Charles Lutaaya, Lt Gen Peter Erweru, Lt Gen Pecos Kuteesa, Lt Gen John Mugume n’abalala.