Abatuuze ku kyalo Mawa mu ggoombolola y’e Makulubita mu disitulikiti y’e Luweero, bawanjagidde Poliisi okunoonyereza abatemu abenyigidde mu kutta mutuuze munnaabwe Elijah Mutema myaka 60.
Mutema yasangiddwa mu nnimiro ng’attiddwa era kigambibwa nti yatugiddwa.
Omwogezi wa Poliisi mu bitundu bya Savannah, Paul Kangave agambye nti omulambo gwa Mutema gwalabiddwa omu ku batuuze, eyabadde ageenze mu nnimiro okumukima, okumuguza endagala.
Poliisi yasobodde okweyambisa embwa ekonga olusu, okunoonyereza abatemu, ekitasobose kukwata muntu yenna olw’abatuuze okulinyirira ekifo kyonna.
Omulambo gwatwaliddwa mu ggwanika e Mulago okwekebejjebwa nga Poliisi bwenoonyereza abatemu.
Wabula abatuuze basabye Poliisi okuboongera obukuumi n’okunoonyereza abantu bonna abenyigidde mu kutta mutuuze munaabwe.
