Kyaddaki munnamawulire Isaac Katende amanyikiddwa nga Kasuku avuddeyo ku mbeera eriwo mu kiseera kino wakati w’omuyimbi Sheebah Kalungi ne Cindy Sanyu.
Embeera yavudde ku Cindy okusaba Sheebah “battle” mu kisaawe ky’okuyimba ku siteegi emu wabula Sheebah agamba nti tayinza kukola ‘battle’ n’omuyimbi nga tamuwa kitiibwa.
Sheebah era agamba nti mu ngeri y’okweyamba, alina okulambuza Cindy Poloti mu bitundu bye Munyonyo okumpi n’amakaage, kuba mu kiseera kino ali mu mbeera mbi, talina wadde akayumba.
Wabula bw’abadde ku NTV mu pulogulamu the BEAT, Kasuku ayambalidde Sheebah okwolesa obuto mu kisaawe ky’okuyimba, okutandiika okwogera ku nnyumba ng’abantu boogera ku ‘battle’ y’okuyimba.
Mungeri y’emu agambye nti abayimbi bangi nnyo balina eby’obugagga omuli ennyumba era Sheebah yaswadde okulowooza nti ‘battle’ alina kugyesigamya ku nnyumba.
Kasuku era agambye nti, embeera eriwo eraga nti Sheebah atya okuswala singa akiriza ‘Battle’ ne Cindy kuba baamukutte awaluma era y’emu ku nsonga lwaki yatandiise okwogera ebiswaza.
