Omubaka we Kyadondo East mu Palamenti Robert Kyagulanyi Ssentamu amanyikiddwa nga Bobi Wine, ayugumizza ekibuga Dubai, ayaniriziddwa abadigize mu bitiibwa bya Pulezidenti wakati mu mukwano.

Bobi Wine yabadde mu konsati y’oluyimba Kyarenga ku Grand Excelsior Hotel mu kibuga Dubai era yawerekeddwako abantu abenjawulo omuli n’omuyimbi Nubian Li, Nantaba Ent n’abalala.

Ku siteegi, Bobi Wine yakubye ennyimba ezenjawulo kyokka oluyimba lwe Freedom lwawadde abadigize enseko, essannyu era obwedda bayimbira wamu.

Bangi ku badigize babadde bayambadde ebimyufu omuli empale n’amasaati ssaako obukofiira obumyufu era ng’abayimbi People Power.