Mu nsi y’omukwano, omukyala yenna alina okukola ebintu eby’enjawulo ebiwa omusajja essanyu kuba y’emu ku mpagi eziwangaza obufumbo.
Mu mbeera eyo, omuwala Tanasha Donna Oketch amaliridde okukola ebintu eby’enjawulo okuwa muganzi we Diamond Platnumz essanyu n’okumwerabiza eyali mukyala we Zari Hassan wadde yamuzaalamu abaana babiri.
Tanasha alaga nti ye ne muganzi we Platnumz buli kimu kitambula bulungi kuba asobodde okweyambisa omukutu ogwa Instagram, okulaga vidiyo nga bali bombi bazina, ekintu ekyalema Zari okukola.
Embeera eyo, kabonero akalaga nti Tanasha mwetegefu okukola kyonna, okwedizza omusajja n’okumwerabiza abawala bonna mu bulamu bwe.
