Poliisi ekakasiza nti abaana mukaaga (6) bafudde enkya ya leero oluvanyuma lw’ekisenge kya Lohana high school ku Kampala mukadde okugwa nga kivudde ku namutikwa w’enkuba afukumusse fundukululu ku ssaawa 8 ez’ekiro.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, ekisenge kigwiridde abaana b’oku nguudo (Street kids) era mukaaga (6) bafiiriddewo ate babiri (2) batwaliddwa mu ddwaaliro e Mulago nga bali mu mbeera mbi.
Owoyesigyire agamba nti abaana babadde basula okumpi n’ekisenge era Poliisi etandiise okunoonyereza ekiviriddeko ekisenge okugwa wadde enkuba ebadde etonya.
