Omutegesi w’ebivvulu Andrew Mukasa amanyiddwa nga Bajjo owa Bajjo Events enkya ya leero akomezeddwawo mu kkooti okuva ku Limanda mu kkomera e Luzira.
Sabiti ewedde, omulamuzi wa kkooti ya Buganda Road, Stella Amabiris yasindika Bajjo ku limanda ku misango ebiri okuli ogw’okukuma omuliro mu bantu n’okwogera ebigambo ebigendereddwamu okunyiiza omukulembeze w’eggwanga (offensive communication) Yoweri Kaguta Museveni.
Okusinzira ku ludda oluwaabi, Bajjo yakuma mu bantu omuliro mu bitundu bya Kampala, Masaka ne Mbarara ng’ayita mu katambi ke yateeka ku mutimbagano gwa yintanenti omuli Face Book.
Olunnaku olwaleero, oludda oluwaabi, lusuubirwa okuletera Bajjo, omuntu omukugu mu lulimi Oluganda ataputire bulungi omusango gwa ‘Offensive communication.
Munnamateeka wa Bajjo, Omuloodi Ssalongo Erias Lukwago, agamba nti omuntu we sabiti ewedde yakirizza omusango olw’obutamanya bulungi Luganda era y’emu ku nsonga lwaki yetaaga omutaputa.
