Frank Gashumba owa Sisimuka Uganda atabukidde Paasita Aloysius Bugingo owa House of Prayer Ministries International (HPMI) owe Makerere, Kikoni olw’okutyoboola ekitiibwa ky’abakyala.

Sabiti eno, Paasita Bugingo yasinzidde ku katuuti mu kkanisa, okwasanguza eby’omu nju wakati we ne mukyala we Teddy Bugingo.

Bugingo yagambye nti yagumiirikiza mukyala we ng’ali mu kikulukuto emyaka 10, tewali kwegatta wabula buli lunnaku okugula kotoni mu kiseera nga bali e Bwaise, ekiraga nti musajja muguminkiriza nnyo.

Teddy ne Bugingo
Teddy ne Bugingo

Ebigambo ebyo, Gashumba kwasinzidde okutabukira Bugingo okutyoboola Teddy mu bantu kuba ebigambo bye, bityoboola ekkanisa, ekitiibwa ky’abakyala n’abaana be, “How can you humiliate and degrade your wife and the mother of your children, the foundation of your wealth to this extent? All because of some “younger” fresh thing that messing with you mind!You have really disappointed those of us who share routes with you from Masaka.”.

Mungeri y’emu Gashumba agamba nti kiswaza Paasita Bugingo okulemwa okusabira mukyala we Teddy okuwona ekikulukuto, ekiraga nti mufere mu mirimu gye wadde yeyita musajja wa Katonda, “And I have heard you claim you as a man of God have healing powers. So why is it that you failed to heal your wife all those years that she was unwell?”.