Ssenkulu wa Sisimuka Uganda Frank Gashumba alabudde Paasita Aloysius Bugingo owa House of Prayer Ministries International (HPMI), Makerere Kikoni okukomya okutyoboola ekitiibwa kya mukyala we Teddy Bugingo mu kiseera kino.

Gashumba agamba nti kiswaza musajja wa Katonda Bugingo okudda ku katuuti mu kkanisa, okuvoola ekitiibwa kya Mukyala we Teddy nti yalina ekikulukuto emyaka 10, tewali kwegatta wabula buli lunnaku okusasaanya ssente okugula kotoni.

Mungeri y’emu Gashumba alabudde muganzi wa Paasita Bugingo omuggya Susan Nantaba nti bba ebintu byonna byakoze Teddy gw’abadde naye mu bufumbo emyaka egisukka 20, bisobola bulungi okumutuukako, leero Teddy, enkya gwe, “And you Susan Nantaba better be ready for this similar treatment, because if this man is capable of doing this to someone he’s spent almost 20 years of his life with, that should show you the kind of man he is! He is disrespectful, has no morals and no class! Today its Teddy Bujingo, tomorrow, he will be doing the same to you“.