Entiisa ebutikidde abatuuze ku kyalo Kamusenene mu ggombolola y’e Nyamarwa mu Disitulikiti y’e Kibaale, mutuuze munaabwe bw’attiddwa ekkiro, ekikeseza olunaku lwa leero, abatemu ne batwala omutwe gwe.
Ekiwuduwudu kya Richard Makumbi myaka 40 kirabiddwa abatuuze ebbaali w’ekkubo, mu kitaba ky’omusaayi ne batemya ku kitongole ekikuuma ddembe ekya Poliisi.
Okusinzira ku mwogezi wa Poliisi mu bitundu bya Albertine, Julius Hakiza, ekiwuduwudu kitwaliddwa mu ddwaaliro ekkulu e Kibaale okwekebejjebwa.
Hakiza agamba nti Poliisi etandiise okunoonyereza abatemu n’okuzuula omutwe gye gutwaliddwa.
Mungeri y’emu agambye nti bateebereza nti abatemu basobodde okweyambisa ekiso, okusalako omutwe gwa Makumbi.