Entiisa n’ekiyongobero bibuutikidde abatuuze ku kyalo Butagasi mu ggombolola y’e Rukungiri era mu Disitulikiti y’e Rukungiri, abadde akulira abasomesa ku Kyabugashe High School, Kahambisa Kamu myaka 47 bw’asangiddwa ng’afiiridde mu nnyumba.
Omulambo gwe, gusangiddwa ku buliri, ekitabudde abatuuze nga yenna, atandiise okuzimba.
Okusinzira ku mwogezi wa Poliisi mu bitundu bye Kigezi Elly Maate, kiteeberezebwa nti omugenzi yalidde emmere, omuteekeddwa obutwa, era emmere yonna esangiddwa mu nnyumba gye yaliddeko, etwaliddwa mu ddwaaliro ekkulu e Mbarara okwekebejjebwa.
Maate era agambye nti tewali muntu yenna akwattiddwa wabula okunoonyereza kutandikiddewo.
Omusomesa wafiiridde nga mukyala we, yagenze mu Kampala kusuubula.
