Robert Asiimwe nga muyizi ku yunivasite y’e Kyambogo myaka 23 asindikiddwa ku limanda mu kkomera e Luzira ku misango gy’okutta Brother Norbert Emmanuel Mugarura myaka 45.

Asiimwe asimbiddwa mu maaso g’omulamuzi w’eddaala erisooka mu kkooti e Nakawa Fionah Angura era alagiddwa okudda mu kkooti nga 29, July, 2019.

Okusinzira ku ludda oluwaabi nga lukulembeddwamu Justine Feni, nga 2, July, 2019, Asiimwe ng’asinzira ku kyalo Banda B9 Zone mu Divizoni y’e Nakawa mu Disitulikiti y’e Kamapala yenyigira mu kutta Emmanuel Mugarura.

Oludda oluwaabi lukyanoonyereza era Asiimwe alabuddwa omulamuzi Angura obutanyega kigambo kyonna kuba ali ku musango gwa naggomola, egiteekeddwa okuwulirwa mu kkooti enkulu yokka.

Asiimwe agambibwa okutemula munnaddiini Mugarura, omulambo gwe n’aguzinga mu ttundubaali n’ekigendererwa eky’ogutwala agasuule ku kasasiro

Omugenzi bamutematema emikono, amagulu, ebiwundu eby’amaanyi ku mutwe n’ebitundu ebirala.