Poliisi ekutte ssemaka Edward Sewante ku by’okutta mukyala we Florence Kyaliisima ne muwala waabwe Rose Mary Mukadde myezi 9 egy’obukulu.
Sewante nga mutuuze ku kyalo Kyebisooha mu ggombolola y’e Kiryanga mu disitulikiti y’e Kagadi yakutte ejjambiya, natematema mukyala we n’omwana olw’ensonga etamanyiddwa.
Omukyala Kyaliisima n’omwana bafiiriddewo, ekyalese abatuuze nga bali mu ntiisa.
Wabula okusinzira kw’adduumira Poliisi mu disitulikiti y’e Kagadi Romeo Ojara, ssemaka Sewante akwattiddwa, ng’asangiddwa mu ggombolola y’e Kakindo mu disitulikiti y’e Kakumiro nga yekwese.
Sewante olukwatiddwa, atwaliddwa ku kitebe kya Poliisi e Kagadi ku misango gy’obutemu era essaawa yonna bamutwala mu kkooti.
