Ekiyongobero kibutikidde kkooti y’e Makindye akawungeezi ka leero ey’omulamuzi w’eddaala ery’okubiri, ssemaka Frajail Kizito myaka 60 omutuuze w’e Kabalagala, abadde agenze mu kkooti okuwuliriza emisango egivunaanibwa mukyala we Rosemary Kizito bw’agudde wansi naafiirawo.
Mukyala we ali ku misango gy’okutisatisa omuntu amanyikiddwa nga William Geza era omulamuzi John Robert Okipi olubadde okuyingira mu kkooti, Kizito abadde atudde ku ntebbe agudde wansi era bagenze okumuyoolayola nga zembuyaga ezikunta.
Amangu ddala, omulambo gutwaliddwa mu ddwaaliro ekkulu e Mulago okwekebejjebwa ate omulamuzi ayongezaayo omusango okutuusa nga 23, omwezi ogunno ogwa September, 2019.
Okusinzira ku Jama Kato nga naye abadde mu kkooti, Kizito agudde wansi omulamuzi Okipi bw’ayise mukyala we, okuyingira akaguli mu kkooti, okutandiika omusango.
