Bamukwata mmundu abatamanyiddwa bakubye omusirikale mu kitongole ky’obwannanyini ekikuumi, amasasi mu disitulikiti y’e Amuru.

Godfrey Mabura abadde akuuma essundiro ly’amafuta erya Stabex International Petrol Station mu katawuni k’e Amuru, akubiddwa amasasi, abasajja babiri (2) nga bali mu ngoye eza buligyo nga bali ku pikipiki ekika kya Bajaj obudde nga busasaana enkya ya leero.

Okusinzira ku RDC mu disitulikiti y’e Amuru, Agnes Linda Auma, omusirikale Mabura bw’abadde agezaako okwenganga bamukwata mmundu, amasasi gamukutte ku bulago n’okugulu okwa ddyo era atwaliddwa mu ddwaaliro erya St Mary`s Hospital Lacor mu kibuga Gulu ng’ali mu mbeera mbi.

RDC Auma agamba nti ababbi basobodde okumenya ekimu ku kisenge era batutte ssente zonna ezibaddemu ezitamanyiddwa muwendo.

Ate omwogezi wa Poliisi mu bitundu bya Answa Patrick Jimmy Okema, agambye nti okunoonyereza kutandikiddewo mbagirawo.