Mukyala wa Dr. Hamza Ssebunya, Rema Namakula afuuye abakyala akaama ku ngeri gye bayinza okwekulakulanyamu wadde bali mu bufumbo.
Rema agamba nti omukyala yenna alina okubaako kyeyekolera abeeko na kasente mu nsawo n’ebintu bye ng’omuntu wadde ali mu bufumbo.
Rema agamba nti asobodde okukola ebintu ebyenjawulo okuva mu kisaawe ky’okuyimba ng’ali mu bufumbo bwa Eddy Kenzo nga bibye era ye teyejjusa mu kiseera kino.
Rema bwe yabadde ku mukolo manejja we Ssalongo Geofrey Kayemba ng’ajjaguza okufundikira emisomo ku yunivasite y’e Ndejje, yagambye nti abakyala balina okukomya okulinda abasajja okubawa buli kimu.
Mungeri y’emu yasiimye Manejja Kayemba okumubererawo mu mbeera yonna omuli okumukwasizaako okutumbula talenti ye ate nga musajja mwesigwa nnyo mu ntambuza y’emirimu gye.
