Kyaddaki omulamuzi wa kkooti enkulu etuula Entebbe, Jane Frances Abodo asingisizza Godfrey Wamala amanyiddwa nga Troy omusango gw’okutta Moses Ssekibogo eyali amanyikiddwa ng’omuyimbi Mowzey Radio mu butanwa.
Mu kkooti ebadde ekubyeko ab’engaanda n’emikwano omulamuzi alangiridde ku Lwokuna nga 31, October, 2019 okuwa Troy ekibonerezo.
Mu kkooti, omulamuzi agambye nti Troy okuba Radio nafuna ekisago ku mutwe ekyamuviirako okufa kwe, yakikola mu butanwa.
Oluvudde mu kkooti, abaali bannamateeka b’omugenzi aba Katende Ssempebwa and Company nga bakulembeddwamu munnamateeka Louis Lwanga, bagamba nti basanyufu n’ekisaliddwawo omulamuzi era balindiridde ekibonerezo ekinaweebwa Troy ku Lwokuna.
Radio ayogerwako yakubwa mu bbaala ku bbaala ya De-Bar e Ntebe nga 22, January, 2018, n’afiira ku Case Medical Centre, Kampala nga 1, February, 2018, naziikibwa e Nakawuka mu disitulikiti y’e Wakiso nga 3, February, 2019.
