Abayizi 16 ku ssomero lya Iganga Top Care SS mu Monisipaali y’e Iganga, bakulukuse amaziga enkya ya leero, webaganiddwa okutuula ebigezo byabwe ebyakamalirizo ebya S6.
Enkya ya leero, S6 etandiise ebigezo era batandikidde mu History okwetoloola eggwanga lyonna.
Wabula abayizi 16 nga bakutte ‘Identity Card zaabwe, bakedde ku ssomero nga besuunga okutandiika ebigezo wabula avunaanyizibwa ku by’ebigezo ku ssomero Wilson Isiko abagaanye okutuula ebigezo olw’okubanjibwa ‘School Fees’.
Amangu ddala, abayizi basobodde okuyita RDC Eva Kwesiga, Ssentebbe wa LC ey’okutaano Patrick Kayemba n’omuddumizi wa Poliisi mu kitundu ekyo David Ndaula okuyingira mu nsonga zaabwe, basobole okutuula ebigezo.
Mu lukiiko olukulungudde essaawa ezigenda mu bbiri (2) omusomesa Isiko alemeddeko era agaanye abayizi bonna okutuula ebigezo.
Isiko agamba nti yetaaga ensimbi okuwa abasomesa emisaala kyokka abazadde olusabwa ensimbi ne badda mu kwebuzabuza.
Abayizi basigadde maziga ssaako n’abazadde okukikira essomero ensingo okulemesa abaana okutuula ebigezo.

SK OMUZINNYI