Omuyimbi Eddy Kenzo okuva mu Uganda azzeemu okumenya ebyafaayo mu kiseera nga bannayuganda bali Nabbingo ku lwe Masaka nga Rema Namakula ayanjula bba omuggya Dr. Hamzah Ssebunya mu bazadde.
Olunnaku olw’enkya ku Lwokutaano, Kenzo alina ekivvulu mu kibuga Dubai ekya One Africa Music Fest ku Festival Arena era ye munnayuganda yekka agenda okuyimba ku kivvulu ekyo.
Okusinzira ku bantu abaludde mu kisaawe ky’okuyimba, Kenzo ye munnayuganda asoose okuyimbirako mu kivvulu ekyo wadde Uganda ebadde erina abayimbi abanene okumala emyaka mingi.
Mu Uganda, Kenzo yekka ye muyimbi alina Nickelodeon Kids’ Choice Award mu 2018, a BET Award mu 2015, Best African Entertainer mu 2018, East African Artist of the Year 2018, Favorite African Star 2018, Best East African Male Artist 2017, Best East African Music Video Award (Jubilation) mu 2017.
Endala kuliko Viewer’s Choice Best New International Artist mu 2015, Best International Act, 2015, Most Gifted (East Africa) mu 2014 n’endala.
Okugenda okuyimba mu kivvulu mu One Africa Music Fest, kiraga nti azzeemu okumenya ebyafaayo.
