Omuwabuzi wa Pulezidenti Yoweri Kaguta Museveni ku nsonga ez’enjawulo Jennifer Full Figure atabukidde omukulembeze w’ekisinde ki People Power era omubaka we Kyadondo East mu Palamenti Robert Kyagulanyi Ssentamu n’abawagizi be.
Full Figure agamba nti Museveni ye muntu yekka mu kiseera kino asobola okulembera eggwanga aba People Power bali ku byabwe.
Agamba nti People Power ya Muzeeyi Museveni kuba yageenda mu nsiko okulwanirira amaannyi g’abantu era tewali muntu yenna alina kugyesembereza.
Full Figure era agambye nti, aba people Power enjaga yabaleega emba n’obwongo bwasesetuka era tebasobola kukulembera ggwanga.
Ku nsonga ya Bobi Wine, Full Figure era agambye nti , “Hon Kyagulanyi yandibadde musajja mulungi nnyo naye abantu abamwetolodde bannanfunsi nnyo ate naye ajjudde obulimba kuba yalimba ensi nti omugenzi Yasin Kawuma yali ddereeva we kyokka nga yali muvuzi wa Takisi“.
Mungeri y’emu agambye nti “Kyagulanyi musajja talina buzibu naye famire yamufuukira kizibu kuba famire bali bankwe kuba Bobi Wine ayagala Uganda namba, Mike Wine ayagala Kyadondo, Barbie Kyagulanyi ayagala Wakiso, Eddy Yawe agenda Kiira ate Nyanzi Fred Sentamu ayagala Kampala, ekiraga nti tuli mu kaliyoki kuba eggwanga balina okulirekera abantu abasobola okulitwala mu maaso, Bobi Wine ne banne banywe njaga yaabwe“.
Full Figure mu bukambwe agambye nti Bobi Wine mukopi nnyo ate mukodo.
Eddoboozi lya Full Figure
