Entiisa ebuutikidde abatuuze b’e Nakasongola, abantu 4 webattiddwa omulundi gumu.
Ku battiddwa, kuliko abaana babiri (2) ssaako n’abakulu babiri (2) ku kyalo Wabigalo mu ggombolola y’e Wabinyonyi era emirambo, gisangiddwa mu kitaba kya musaayi.
Patrick Lugonvu akwasaganya ebyokwerinda mu kitundu ekyo (Internal Security Officer), agambye nti omutemu yabadde akutte ejjambiya wakati w’essaawa 7 – 9 akawungeezi k’olunnaku olw’eggulo ku Lwokuna, okutemula abatuuze.
Omu ku battiddwa ye Lozio Matovu yasangiddwa mu ffumbiro ng’afumba ne bamutematema okutuusa lwe yafudde.
Mu kiseera kino, addumira Poliisi y’e Nakasongola Patience Namara nga yegattiddwako ssentebbe wa LC 5 Sam Kigula n’abasirikale mu kitongole eky’amaggye okuva ku kitebe ky’amaggye e Nakasongole, batandiise okunoonyereza omutemu.
