Omuyimbi Vinka yafunye okusomozebwa ng’ali mu kivvulu e Busia, omuvubuka bwe yalinye ku siteegi namulyako eswagga.
Vinka y’omu ku bakyala abakoze ennyo mu kisaawe ky’okuyimba mu mwaka 2019 olw’ennyimba ze omuli Nja Kusitula, Only for You, Amaaso, By the Way, Bigambo n’endala ezimufudde ow’amaanyi mu bannayuganda.
Wabula bwe yabadde e Busia, waliwo omuvubuka eyalinye ku siteegi okuzina bombi kyokka omuvubuka yakoze buli kimu nga mulungi nnyo okumusinga era abadigize bakubye enduulu n’okumufuuwa ssente.
Omuvubuka yanyenyezza ettoffaali okusinga Vinka era ku siteegi, Vinka yabadde ng’omusajja ng’omuvubuka awambye.
