Poliisi y’e Bweyogerere ekutte omusajja aludde ng’anoonyezebwa ku misango gy’okubba aba Mobile Money.
Kamya David, ennaku zimu yeyita Ssozi Tony ate abadde amanyikiddwa nga Masavu Senior yakwattiddwa.
Okusinzira ku Poliisi, Kamya yali atandiseewo MASAVU Football Club Entebbe era y’omu ku babbi abaludde nga batigomya abatuuze ku luguudo lwe Ntebbe, Wakiso, Kira, Nansana, Kampala wakati n’ebintu ebirala.
Mungeri y’emu Kamya y’omu ku bagagga abalina ebizimbe ebya Kalani e Garuga, Stella Najjanankumbi, Kitubulu ssaako ne Namusera.
Poliisi egamba nti Kamya akwattiddwa ne mmotoka ye ssaako n’amassimu agasukka 50 gaabadde yeyambisa okubba.
Okubba kwe, abadde yefuula asindiika ensimbi ng’awaayo enamba y’essimu enfu era wakati mu kwebuzabuza, abadde alina obwongo obutegeera mangu ‘pin code’, ‘Agent’ gy’akozesa okusindika n’okugyayo ssente.
Kamya era abadde yefuula abayambeko okutekamu ennamba y’essimu entuufu nga mu kiseera ekyo, wakyusizza essimu, okuwa ‘Agent’ essimu endala, ezifanagana era wayita mbale nga ssente azigyayo, olw’okubba essimu ng’ategedde pin code yaayo.
Poliisi era agamba nti Kamya, abadde anoonyezebwa ku misango gy’okubba n’okufera ku Poliisi Najjanankumbi, Kajjansi n’ebitundu ebirala.
