Wuuno omusajja alaze nti ye mwetegefu okusaba omuyimbi Lydia Jazmine omukwano wakati mu kusoomozebwa ng’abasajja ab’enjawulo bamusaba omukwano.
Jazmine mu kiseera kino talina musajja amanyikiddwa newankubadde bangi ku bawagizi b’omuyimbi Eddy Kenzo bagamba nti Jazmine ye mukyala omutuufu agwanidde okudda mu bigere bya Rema Namakula.
Mu mbeera eyo, wuuno omusajja Babza Shah alaze nti Jazmine ye mukyala yekka ali ku mutima gwe mu kiseera kino.
Babza asobodde okweyambisa omukutu ogwa Instagram, okutegeeza Jazmine ensonga ze era agambye nti, “Jazmine bino ebintu tubigyemu omuzannyo buh u r rlly becoming a problem in ma heart seriously love u so much yo so smart bambi kip t up waiting for #Nkwateko“.
Mu kiseera kino, Jazmine y’omu ku bawala abaliko mu kisaawe ky’okuyimba kuba asobodde okwekuumira ku mutindo era bangi ku basajja bagamba nti ddala Jazmine atuukiridde mu buli kimu.
